ШЫМКЕНТКЕ 134, 2 МЛРД. ТЕҢГЕ ИНВЕСТИЦИЯ ТАРТЫЛДЫ ЖӘНЕ «ЖҰЛДЫЗ» ИНДУСТРИЯЛЫҚ АЙМАҒЫНДА  42 ЖОБА ІСКЕ АСЫРЫЛУДА  

Бүгінде климаты жағымды, географиялық орналасуы оңтайлы, еңбекқор халқы бар Шымкент инвесторлар үшін өте қолайлы қалаға айналып отыр.  Инвестақуалды жақсарту мақсатында атқарылып жатқан кешенді шаралар да шетелдік бизнес өкілдерінің республикадағы үшінші қалаға қызығушылығын арттыруда.                         Осы бағытта қолға алынған қыруар жұмыстардың нәтижесінде биылғы жылдың 4 айында қала экономикасына                   134,2 млрд. теңге инвестиция тартылды.  Көрсеткіш өткен жылдың тиісті кезеңімен салыстырғанда 20,1%-ға артып отыр. Сондай-ақ,

жыл соңына дейін 721,7 млрд.теңге инвестиция тарту жоспарлануда. Осылайша биылғы көрсеткішті алдыңғы  жылмен салыстырғанда                         32%-ға арттыру  көзделуде.

Мегаполис экономикасына өткен жылы 148,7 млн. АҚШ долларына тікелей шетелдік инвестициялар тартылған болатын. Оның ішінде, өңдеу өнеркәсібіне тартылған тікелей шетелдік инвестиция көлемі — 161,3 млн теңгені құрайды.

Жалпы, 2023-2027 жылдар аралығында қаламызда жүзеге асырылатын құны 1,7 трлн. теңге құрайтын  227 инвестициялық жобалардың  пулы жасалған.Оның ішінде, шетелдік инвесторлардың қатысуымен 2670 жаңа жұмыс орнын ашуға мүмкіндік беретін  10 жобаның іске асырылуы жоспарлануда.

Олардың ішінде тұрғын үйлер салу, құрылыс материалдарын өндіру,

синтетикалық иірілген жіп және мата өндірісіне қатысты ауқымды жобаларды айрықша атап өтуге болады.

Инвестиция тарту мәселесі — тікелей қала әкімі Мұрат Әйтеновтің бақылауында. Жоспарланған көрсеткіштерге қол жеткізу үшін бүгінде барлық бағытта кешенді шаралар  жүргізілуде.

«Жұлдыз» индустриялық аймағы бүгінде республикалық маңызы бар мәртебеге ие. 2021 жылы құрылған аймақтың

ауданы 306 га алып жатыр. Мұнда алдағы уақытта машина жасау, фармацевтика, металлургия, жиһаз өнеркәсібі, құрылыс индустриясы салаларында 5 мыңға жуық жаңа жұмыс орнын құра отырып, 200 млрд. теңгеден астам сомаға 50-ден астам ірі инвестициялық жоба іске асырылатын болады.

Бүгінде аймақта инвестициялық құны 147,2 млрд. теңге құрайтын,                     3мыңнан астам жаңа жұмыс орындарымен қамтитын 42 жоба іске асырылуда. Сондай-ақ, биыл 7,1 млрд. теңгеге 5 жобаны іске қосу, 411 жұмыс орындарын ашу жоспарлануда.