АРЫС АУДАНЫНДА ЗОРЛЫҚ-ЗОМБЫЛЫҚҚА ҚАРСЫ ЖИЫН ӨТТІ
«Отбасындағы зорлық-зомбылыққа жол жоқ!» республикалық акциясы аясында, Арыс ауданында іс-шара өткізілді. Яғни полиция бөлімінің Әйелдерді зорлық-зомбылықтан қорғау тобының инспекторы полиция майоры Айжан Мырзахметова, «Әлеуметтік -психологиялық сүйемелдеу қызметі» секторының психологы Клара Даниярқызының ұйымдастыруымен қыз-келіншектермен кездесу өтті.
Шараның негізгі мақсаты — тұрмыстық зорлық-зомбылықтың алдын алу және жолын кесу жұмыстары бойынша қабылданып жатқан шаралар туралы жұртшылыққа хабарлау, халықтың назарын аталған проблемаларға аудару, сондай-ақ азаматтардың полиция органдарына деген сенімін арттыру, қоғамда отбасының рөлін нығайту.
Кездесу барысында осы бағыттағы мәселелер талқыланды. Ұсыныс-пікірлер қаралып, қойылған сұрақтарға жауаптар берілді. Жиналғандарға арнайы дайындалған жаднамалар таратылды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
