ТҮРКІСТАН ОБЛЫСЫНЫҢ ПОЛИЦЕЙЛЕРІ ЖЕРГІЛІКТІ ТҰРҒЫННАН ШОЛАҚ МЫЛТЫҚ ТӘРКІЛЕДІ
Түркістан облысы Полиция департаментінің Экстремизмге қарсы іс-қимыл басқармасының қызметкерлері атыс қаруын заңсыз сақтаудың кезекті фактісін анықтады. Жедел-іздестіру іс-шараларын өткізу барысында полицейлер, үйінде қару-жарақ пен оқ-дәрі сақтаған Түркістан қаласының тұрғынын анықтады.
Тінту кезінде жедел уәкілдер жас жігіттен шолақ мылтық пен патрондарын тәркіледі. Аталған факт ҚР ҚК-нің 287-бабы 3-бөлігі «Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» бойынша тіркелді.
Қазіргі уақытта бұл факт бойынша полицейлер сотқа дейінгі тергеу амалдарын жүргізуде. Сараптама тағайындалды. Сондай-ақ күдіктінің атыс қаруы мен оқ-дәрілерді қандай мақсатта сақтағаны анықталуда.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
