ТҮРКІСТАН ОБЛЫСЫНЫҢ ПОЛИЦЕЙЛЕРІ БАЛАЛАРМЕН БІРГЕ ФЛЕШМОБ ҰЙЫМДАСТЫРЫП, БЕЙБІТШІЛІК ҚҰСЫН ҰШЫРДЫ
«1 маусым Халықаралық балаларды қорғау күніне» орай облыс орталығының тәртіп сақшылары адами әлеуетті дамыту басқармасына қарасты «Оқушылар сарайына» арнайы барып, ондағы өнерпаз жас жеткіншектерімен көңілді уақыт өткізді. Балалармен сұқбаттасып, олар тарапынан қойылған сұрақтарға жауап берді.
Сонымен қатар кездесу соңында флешмоб ұйымдастырылды. Яғни заманауи би түрлерін ұсынған балалардың ортасына полицейлер шығып, барлығы бірге аспанға «бейбітшілік құсы» аталып кеткен көгершіндер ұшырып, ерекше көңіл-күй орнады. Өз кезегінде балалар полицей аға-әпкелерімен есте қаларлық уақыт өткізгеніне қуанып, ризашылықтарын білдірді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
