ӘКІМ САЙЛАУЫ: МАҚТААРАЛДА 80 ЖАСТАҒЫ ҚАРИЯ АЛҒАШҚЫЛАРДЫҢ БІРІ БОЛЫП ДАУЫС БЕРДІ
Достық ауылдық округі Гүлістан ауылының тұрғыны, 80 жастағы қария Түрікмен Кенжеев ең алғашқылардың бірі болып дауыс берді. Қария аудан әкімінің сайлауы барша аудан тұрғындары үшін маңызды екенін айтып, мақтааралдықтарды сайлауға белсене қатысуға шақырды.
Түрікмен ата 7 ұл, 3 қызынан қазіргі таңда 41 немере, 12 шөбере сүйіп отыр. Тәжік этносының өкілі осындай бейбіт елді тұрып жатқаны үшін қазақ ағайындарына алғысы шексіз екенін білдірді.
Айта кетейік, бүгінгі сайлауда ардагер қариялардан бастап алғаш рет дауыс беруге келген жастар, ауыл келіндері, қарапайым ауыл шаруашылығы қызметкерлері, мұғалімдер, спортшылар, мәдениет қызметкерлері саяси науқанда белсенділік танытуда.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
