МӘДЕНИЕТ, ТІЛДЕРДІ ДАМЫТУ ЖӘНЕ АРХИВТЕР БАСҚАРМАСЫНЫҢ БАСШЫСЫ ТАҒАЙЫНДАЛДЫ
Бүгін Қазақстан Республикасы Мәдениет және ақпарат министрлігінің келісімі бойынша, қала әкімінің өкімімен Шымкент қалалық Мәдениет, тілдерді дамыту және архивтер басқармасының басшысы лауазымына Бауыржан Орынбасарұлы Орынтаев тағайындалды.
Бауыржан Орынбасарұлы 1989 жылы 21 қаңтарда Созақ ауданы, Жартытөбе ауылында туған. М. Әуезов атындағы Оңтүстік Қазақстан мемлекеттік университетін және Аймақтық әлеуметтік-инновациялық университетін бітірген. Мамандығы бойынша біліктілігі — жерге орналастыру, мемлекеттік және жергілікті басқару.
2011-2022 жылдары Созақ аудандық жер қатынастары бөлімінің бас маманы, Созақ аудан әкімі аппаратының бас инспекторы, бөлім басшысы, Созақ ауданы әкімдігінің жер қатынастары бөлімінің басшысы лауазымдарында қызмет атқарған.
2022-2023 жылдары Шымкент қалалық Мәдениет, тілдерді дамыту және архивтер басқармасы» мемлекеттік мекемесі мәдениет және тарихи-мәдени мұраны сақтау бөлімінің бөлім басшысы, Шымкент қаласы әкімінің көмекшісі болды.
Бауыржан Орынбасарұлы 7.12.2023 жылдан бастап бүгінге дейін Шымкент қалалық Мәдениет, тілдерді дамыту және архивтер басқармасы» мемлекеттік мекемесі мәдениет және тарихи-мәдени мұраны сақтау бөлімінің басшысы лауазымында қызмет атқарып келді.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
