ПОЛИГОНДАРДЫ СЕНІМГЕРЛІК БАСҚАРУҒА БЕРУ МӘСЕЛЕСІ ҚАРАЛДЫ
Аудан әкімі Азат Оралбаевтың төрағалығымен аудандағы қатты тұрмыстық қалдықтарға арналған полигондар бойынша жиын өтті.
Жиынға әкімнің салаға жауапты орынбасары, дербес бөлім басшылары, ауыл округтердің әкімдері, мердігер мекемелердің өкілдері қатысты.
Қазіргі таңда аудан көлемінде 57 елді мекеннің 22-сінде ТҚҚ тасымалымен мердігер мекемелер айналысуда. Қалғандарында ТҚҚ тиісті әкімшіліктердің ұйымдастыруымен тасымалдануда.
Жалпы, аудан бойынша қатты қалдықтарға арналған полигон орындары үшін 7 жер телімі заңдастырылған. Алайда олардың бірқатары тұрғындардың наразылығына, тиісті құжаттардың толық рәсімделмеуіне, құрылыс жұмыстарының толыққанды жүргізілмеуіне байланысты іске қосылмаған.
Өз кезегінде аудан басшысы полигондарды қосуға қажетті құжаттарды созбалаңға салмай, тездетіп заңдастыруды, рәсімдеуді, сондай-ақ жауапты мамандарға абоненттерді түгендеуді, ТҚҚ-ды тазалау бойынша сапалы кесте түзуді, мердігерлер тарапынан арнайы қоқыс жәшіктерін қоюды қарастыруды, полигондарды сенімгерлік басқаруға беру процесін жылдамдатуды қатаң тапсырды.
Аудан әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
