«КИЕЛІ МЕКЕН»: ШАРДАРАДА ӘМІР ТЕМІРДІҢ БАС КЕҢЕСШІСІ БОЛҒАН «ҰЗЫН АТА» КЕСЕНЕСІНІҢ АУМАҒЫНДА СЕНБІЛІК ӨТТІ
«Киелі мекен» апталығына орай, Шардара ауданындағы «Ұзын ата» кесенесінің маңында сенбілік өтті. Шараға 50-ге жуық адам қатысып, кесененің айналасы тазартылды. Сондай-ақ ағаштар әктеліп, жер қопсыту жұмыстары жүргізілді. Жалпы аудандағы экоакцияға жастар мен еріктілер және аудан тұрғындары белсенді қатысуда. Тазалық жұмыстары барысында көше бойлары тазартылып, тал мен үй қасбеттері сырланып, саябақтар ретке келтірілуде.
Айта кетсек, «Ұзын ата» кесенесі Әмір Темірдің бұйрығымен XIV ғасырда тұрғызылған. Кесене толықтай күйдірілген кірпішпен салынған. Ұзын ата — Ақсақ Темірдің бас кеңесшілерінін бірі болған деседі. Кесене маңдайшасына араб тілінде «Шер Мұхаммед Хәлім Дүрманұлы 1377 жылы қайтыс болып, осында жерленген» деп жазылған. Бұл тақтайшадағы жазу Ұзын атаның азан шақырып қойылған есімі деген дерек бар.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
