ХАЛЫҚТЫҚ ШТАБ МҮШЕСІ МҰРАТ ӘБЕНОВ «ҚОРҚЫТ АТА» УНИВЕРСИТЕТІНДЕ КЕЗДЕСУ ӨТКІЗДІ
Ядро-физикалық институт өз жұмысын 1957 жылы бастаған
Бүгін республикалық Халықтық штаб мүшесі Мұрат Әбенов «Қорқыт ата» атындағы Қызылорда университетінің ғалымдарымен кездесті, деп хабарлайды Azattyq Rýhy.
Кездесуде штаб мүшесі атом энергетикасының да ерекше сала екенін атап өтіп, еліміздегі ядро-физикалық институттың жеткен жетістіктеріне тоқталды.
Ядро-физикалық институт өз жұмысын 1957 жылы бастаған. Әлемдегі атом станциялары мен реакторларының жұмысын бақылауда ұстайтын халықаралық «МАГАТЭ» ұйымы орталықта бірнеше мәрте тексеріс жұмыстарын жүргізіп, бірде бір рет ескерту бермеген екен. Бұл біздің отандық ғалымдарымыздың тиісті деңгейде қызмет етіп отырғандығын көрсетеді. Негізі ғылыми-зерттеу ядролық реакторларының іске қосылуымен Қазақстанға ғылыми тәжірибелер жүргізуге, сондай-ақ ядролық физика әдістерін еліміздің ұлттық экономикасының әртүрлі салаларына енгізуге кең мүмкіндіктер ашылады. Алдағы уақытта физика ядролық саласыда да өңіріміздің азаматтары жемісті еңбек ететіні сөзсіз деп пікір білдірген штаб мүшесі оқытушылармен жаһандағы атом энергетикасының қазіргі ахуалын талқылады.
Кездесуде университет ғалымдары Қазақстанның ғылым саласындағы орталыққа айналғанын тілге тиек етті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
