ТҰРҒЫНДАРДЫ ТОЛҒАНДЫРҒАН МӘСЕЛЕ ҚАРАЛДЫ
Бүгін аудан әкімі Аскар Естибаев «Балбөбек» медициналық орталығына рұқсатсыз тіркеліп кеткен бір топ азаматтың шағымын тыңдау мақсатында жиын өткізді. Оған жауапты орынбасары, «Балбөбек» медициналық орталығының басшылығы, құқық қорғау органының қызметкері мен аудан әкімі аппаратының мамандары қатысты.
Аудан басшысы тұрғындардың уәжін тыңдап, медициналық орталық басшылығының жауабынан кейін басқосуды қорытындылады.
Атап айтсақ, орталық басшысына ондағы тіркеліп тұрған барлық азаматқа талдау жасап, түгендеу жұмыстарын жүргізіп, тіркеліп кеткен балалар болса ата-аналарына хабар беру керектігін ескертті. Әр азамат қай жерге тіркелгісі келсе өз құқығы екенің айтып, заңсыздыққа жол бермеу керектігін атап өтті. Қажет болған жағдайда жеке тұлғалар бұл бойынша құзырлы органдарға шағым түсіріп, тергеу амалдарының жүруін талап ете алатындығын ескертті.
Сонымен қоса, жекеменшік орталықтың бәсекеге қабілеттілігін арттыру мақсатында заманауи құрылғылармен жабдықтау, қызмет сапасын барынша жақсару бойынша ойын жеткізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
