ШЫМКЕНТТЕ БАЛАЛАРҒА ЖҮРЕК ОТАЛАРЫ ЖАСАЛАТЫН ЖАҢА БӨЛІМШЕ АШЫЛДЫ
Шымкент қаласындағы клиникалық балалар ауруханасы базасында кардиохирургия бөлімшесі ашылып, енді дәрігерлер жүрек ақауы бар балаларға жергілікті деңгейде күрделі оталар жасай алады.
Осыған орай қалада халықаралық конференция өтіп, Беларусь, Өзбекстан, Ресей, Қырғызстан және Қазақстанның жетекші медициналық мамандары кардиохирургия саласындағы өзекті мәселелерді талқылады. Конференция аясында шетелдік мамандар жергілікті дәрігерлермен тәжірибе алмасып, балаларға ашық жүрек отасын жасады.
Жаңа бөлімше 20 төсек-орынға есептелген және заманауи кардиореанимация, операциялық блокпен жабдықталған. Енді мұнда 18 жасқа дейінгі балаларға жүрекке ашық ота жасау мүмкіндігі бар.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
