БИЫЛ АҚТАС-2 ШАҒЫНАУДАНЫНДА АУЫЗ СУ МӘСЕЛЕСІ ШЕШІЛЕДІ
Абай ауданына қарасты Ақтас-2 шағынауданы ауыз суын тасымалды тұтынатын шағынаудандар қатарында. Бұл мәселені шешу үшін өткен жылы мердігер мекеме «Алтын констракшн» тарапынан құрылыс жұмысы басталған.
Бүгінде ұзындығы 50,9 шақырымды құрайтын ауыз су құбырынң 87 пайызы орнатылды. Құрылыс жұмысы толығымен қараша айында аяқталып, пайдалануға берілетін болады. Нәтижесінде жыл соңына дейін Ақтас-2 шағын ауданындағы 1222 тұрғын сапалы ауыз сумен қамтылады.
Айта өтсек, қала тұрғындарының 95,6 пайызы сапалы ауыз сумен қамтамасыз етілген. Бұл көрсеткішті арттыру мақсатында бұл жылы 14 нысанның құрылысы жүргізіліп жатыр. Жыл соңына дейін ауыз суы тасымалды 7 елді мекен (Тұран, Солтүстік саяжай, Ынтымақ-2, Батыс, Жаңатұрлан, Асар-2, Ақтас) және кестемен берілетін 2 елдімекенде (Жаңаталап, Сауле) ауыз су мәселесі шешілетін болады. Нәтижесінде бүгінгі күнге дейін ауыз суы тасымалды болып келген елдімекендердің мәселесі толығымен шешіліп, қала тұрғындарын сапалы ауыз сумен қамтылу көрсеткіші 98 пайызға өседі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
