“САУРАН ТАЛАНТТАРЫ – 2025” ӨНЕР БАЙҚАУЫ ӨТТІ
Сауран ауданы әкімдігі ішкі саясат бөлімінің “Жастар ресурстық орталығы” КММ-нің ұйымдастыруымен “Сауран таланттары – 2025” өнер байқауы өтті. Бұл шара — аудан жастарының шығармашылығын қолдау, олардың өнерге деген қызығушылығын арттыру және сахна мәдениетін қалыптастыру мақсатында ұйымдастырылды.
Өнер додасының шымылдығын Сауран ауданы әкімінің кеңесшісі Мұхамеджан Ергешбайұлы ашып, қатысушыларға сәттілік тіледі. Байқауға қатысушылардың өнерін әділ бағалау мақсатында қазылар алқасы да жоғары деңгейде жасақталды.
“Сауран таланттары – 2025” байқауы ән жанры және поэзия жанры бойынша өтті. Өнерпаз жастар өздерінің дарындарын көрсетіп, тартысты сайыс ұйымдастырды. Әрбір қатысушы жоғары дайындықпен келіп, көрерменнің ыстық ықыласына бөленді.
Бұл өнер байқауы аудан жастарының шығармашылығын дамытуға зор үлес қосты. Жеңімпаздар өздерінің дарындары мен еңбектерінің арқасында лайықты марапатқа ие болды. Бұл байқау ауданның мәдени өміріндегі маңызды іс-шаралардың бірі ретінде есте қалды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
