АУДАН АУМАҒЫНДА МАРОККО ШЕГІРТКЕСІНЕ ҚАРСЫ КҮРЕС ЖҰМЫСТАРЫ ЖҮРГІЗІЛУДЕ
Аудан аумағында аса қауіпті зиянкестердің бірі – морокко шегірткесіне қарсы алдын алу және залалсыздандыру жұмыстары жүйелі түрде жүргізілуде.
Ауыл шаруашылығы дақылдары мен жайылым алқаптарына айтарлықтай қауіп төндіретін бұл зиянкестің дернәсілдері анықталған учаскелер бойынша кешенді іс-шаралар қолға алынды.
Арнайы жүргізілген мониторинг нәтижесінде 21 нүктеде шегіртке тұқымдарының (личинка) шоғырланған координаттары нақтыланып, қазіргі таңда Бөген, Жамбыл және Мыңбұлақ ауылдық округтерінің аумақтарында топырақты аудару, өңдеу жұмыстары басталды.
Бұл жұмыстардың негізгі мақсаты – дернәсілдердің көбеюіне жол бермей, ерте кезеңде жою арқылы алдағы маусымда зиянның
алдын алу.
Аудан әкімдігі мен тиісті сала мамандары жағдайды тұрақты бақылауда ұстап, өңірдің аграрлық қауіпсіздігін қамтамасыз ету бағытындағы жұмыстарды одан әрі жалғастыратын болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
