МЕМЛЕКЕТТІК ҚЫЗМЕТТЕГІ ӘДЕП ТАЛАПТАРЫ ТАЛҚЫЛАНДЫ
Сауран ауданы әкімдігінде Түркістан облысының әдеп жөніндегі уәкілінің төрағалығымен маңызды мәжіліс өтті. Күн тәртібінде мемлекеттік қызметшілердің әдеп нормаларын сақтау, қызметтік мәдениетті арттыру және жылдық жұмыс нәтижелерін қорытындылау мәселелері қаралды.
Алғашқы баяндамада Сауран ауданының әдеп жөніндегі уәкілі Бекзат Абубакиров биылғы 11 айда атқарылған жұмыстар туралы есеп берді. Ол аудан көлемінде әдеп талаптарын нығайту, профилактикалық кездесулер өткізу, қызметтік тәртіпті сақтау бойынша жүргізілген шараларды баяндады.

Келесі кезекте Түркістан облысының әдеп жөніндегі уәкілі Ербол Орманов облыс деңгейіндегі әдеп мәдениетін қалыптастыру бағытында атқарылған жұмыстарды таныстырды. Есепте мемлекеттік қызметшілердің құқықтық сауаттылығын арттыру, шағымдарды қарау тәртібі және алдын алу шараларының тиімділігі атап өтілді.

Жиын барысында әдеп саласындағы өзекті мәселелер талқыланып, алдағы кезеңге арналған ұсыныстар айтылды. Іс-шара мемлекеттік қызметтегі жауапкершілік пен ашықтықты арттыруға бағытталған диалогтық алаң ретінде маңызды рөл атқарды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
