Заң талаптарына сәйкес 1700-ге жуық азамат тұрғын үй кезегінен шығарылды
Шымкент қаласында 2021 жылдың 8 айының қорытындысы бойынша тұрғын үй кезегіндегі көпбалалы отбасылар, халықтың әлеуметтік жағынан әлсіз топтары, жетім және ата-анасының қамқорлығынсыз қалған балалар санаттарына сәйкес баспанамен қамтылған және санатын жоғалтқан, атына тұрғын үй тіркелген, қайтыс болған, басқа елдi мекенге тұрақты тұру үшiн кеткен, несиелік бағдарлама арқылы пәтермен қамтылған 1679 азамат тұрғын үй кезегінен шығарылды.
Оның ішінде көпбалалы отбасылар санаты бойынша 234 азамат, халықтың әлеуметтік жағынан әлсіз тобы 383, жетім және ата анасының қамқорлығынсыз қалған балалар санаты бойынша 32, бюджеттік ұйым және мемлекеттік қызметкерлер санаты бойынша 1030 азаматты «Тұрғын үй қатынастары туралы» Заңының талаптарына сәйкес кезектен шығару жұмыстары жүргізілді.
Айта кету керек, «Тұрғын үй қатынастары туралы» Заңының 73 бабының талаптарына сәйкес кезектен шығару тұрғын үй басқармасымен жүзеге асырылады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
