СУ СПОРТ ТҮРЛЕРІН ДАМЫТУҒА ҮЛЕС ҚОСҚАН ҮЗДІКТЕР МАРАПАТТАЛДЫ
Түркістан қаласында су спорт түрлерінен олимпиадалық резервтің мамандандырылған балалар мен жасөспірімдер спорт мектебінің жылды қорытындылауға арналған салтанатты іс-шара өтті. Мақсат – жыл бойы жоғары нәтиже көрсеткен спортшылар мен жаттықтырушылардың еңбегін атап өту.Шараға Түркістан облысы әкімінің орынбасары Ертай Алтаев пен Азия байдаркада және каноэде есу конфедерациясының президенті Прашант Кушваха арнайы қатысып, спортшылар мен бапкерлерге құрмет көрсетті.Жыл бойы аталмыш спорт мектебінің тәрбиеленушілері республикалық және халықаралық жарыстарда 500-ге жуық медаль жеңіп алып, өңір абыройын асқақтатты. Бұл – Түркістан облысында су спорт түрлерінің қарқынды дамып келе жатқанын көрсетеді.Салтанатты жиында үздік спортшылар, жаттықтырушылар мен сала мамандарына арнайы марапаттар табысталды. Сонымен қатар бұқаралық ақпарат құралдары өкілдерінің де су спортын насихаттауға қосқан үлесі ескерусіз қалмады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
