ШЫМКЕНТТІК СПОРТШЫ СОФЬЯ БЕРУЛЬЦЕВА КАРАТЭДЕН ХАЛЫҚАРАЛЫҚ ТУРНИРДЕ ЧЕМПИОН АТАНДЫ
Түркияның Стамбул қаласында WKF каратэден 2026 жылдың алғашқы Karate One премьер-лига турнирі мәресіне жетті. Әлемнің 65 мемлекетінен 400-ге жуық үздік спортшы қатысқан дүбірлі додада Қазақстан құрамасы жоғары нәтижеге қол жеткізіп, жалпы командалық есепте 3-орынды иеленді.
Ел қоржынында 2 алтын медаль бар.
Ұлттық құраманың көшбасшысы, шымкенттік Софья Берульцева әйелдер арасында кумитэ +68 кг салмақ дәрежесінде алты кездесу өткізіп, алтауында да жеңіске жетті. Ал финалда непалдық Арика Гурунгты 4:2 есебімен айқын басымдықпен ұтты.
Осылайша Софья Берульцева 2026 жылғы маусымды алтын медальмен бастады. Бұл – оның Премьер-лигадағы бесінші жүлдесі.
Айта кетейік, каратэден Премьер-лига санатындағы жарысқа әлемдік рейтингтегі ТОП-32 спортшылар ғана қатысады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
