АВТОР ӘНІН МУЗЕЙГЕ БЕРДІ
Орталығымыздағы Қажымұқан атындағы Облыстық музейге аудандық мәдениет және тілдерді дамыту бөлімінің басшысы Жылқыбай Құрманәлі Тастанбекұлы алып күш иесі Қажымұқан бабамызға арнап ән жазып, табыстады.
Мерекелік іс-шараға аудан әкімінің орынбасары Оралбаев Азат, аудандық мәслихат хатшысы Әбдіхалық Қасымбай, аудандық қоғамдық кеңестің төрағасы Садвахасов Баймахан қатысты.
Биыл Қажымұқан Мұңайтпасұлының туғанына 150 жыл. Осынау атаулы жылмен тұспа-тұс жарық көрген «Қажымұқан» әні бүгінде тыңдарманның құлақ құрышын қандырғандай. Аталған әнді Құрманәлі Жылқыбай музейге табыстау рәсімінде сөз алып, ауданымызда үлкен көлемде өткен Қажымұқанның 150-жылдық мерей тойына арнап бір күнде жазып шыққанын айтты. Сондай-ақ, «Қажымұқан» әні қалың көрерменнің алдында шырқалған сәтте-ақ қошеметке бөленгендігін де тілге тиек етті.
Іс-шара барысында Қажымұқан атындағы облыстық спорт музейінің директоры Гүлдария Райымбекова сөз сөйлеп, әннің мәңгілік жәдігер болатынын, болашақ ұрпақтардың да бұл әнді тыңдай алатынын айтты. Сонымен қатар, авторға Мұқан батырдың мәңгілік ел есінен шықпауына үлес қосып, есімін ән әлеміне енгізгені үшін, музей атынан алғыс хат табыстады.
Айта кетейік Құрманәлі Жылқыбай ел ішінде сазгерлігімен ақындығымен танымал тұлға. Ол осы әннің сөзінің де, өзінің де авторы.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
