ШЫМКЕНТ: МЕМЛЕКЕТТІК БАСҚАРУ АКАДЕМИЯСЫНА ОҚУҒА ҚАБЫЛДАУ ЕРЕЖЕЛЕРІНЕ ӨЗГЕРІСТЕР ЕНГІЗІЛІДІ
Бүгін ақпараттық-коммуникациялық орталығының брифинг алаңында Қазақстан Республикасы Президентінің жанындағы Мемлекеттік басқару академиясы Шымкент қалалық филиалының директоры Нысанбаев Әділет Әділбекұлы 2022 жылға арналған жоғары оқу орнынан кейінгі білім беру бағдарламалары бойынша оқуға қабылдау ережелерін түсіндірді.
Қазақстанда қызмет өтілі бар мемлекеттік қызметшілердің кәсіби дамуы мен біліктілігін арттыруға жауапты жалғыз жоғары оқу орны 2 жыл және одан да жоғары жұмыс өтілі бар барлық мемлекеттік қызметшілерді 2022-2023 оқу жылына грантқа түсуге шақырады!
Магистратура мен докторантураның білім беру бағдарламаларына құжаттар 2022 жылғы 1 наурыз бен 23 шілде аралығында Академияның www.apa.kz ақпараттық жүйесі арқылы онлайн форматта қабылданады.
Академияның оқу бағдарламалары мен қажетті құжаттар тізімі туралы толық ақпаратты жоғарыда аталған ақпараттық жүйеден алуға болады.
Әділет Әділбекұлы еліміздегі бірегей білім ордасында QAZAQ RESMI TEST-ке дайындық, PIPPLET ТЕСТ-ке дайындық, шешендік өнер бойынша бейне курстар, білім беру бағдарламасына кіріспе деп аталатын үш дербес модульден тұратын Pre-sessional курстарын өткізу тәжірибесі жалғасып жатқанын айта келе, «Курстарға тіркелу Академияның веб-сайтында 2022 жылдың 1 наурызынан 28 наурызына дейін жүреді. Ағымдағы жылдың сәуір айынан бастап 1 және 2 модульдерге дайындық курстары онлайн форматта ақылы негізде өтеді. Бір академиялық сағаттың құны – 941 теңге тұрса, негізгі курс 36 сағат – 33 876 теңге, ал толық курс 72 сағат – 67 752 теңге болады және де курстар оқытушымен онлайн режимінде, сондай-ақ бейнеролик түрінде де өтеді, мұнда оқуды Академияның профессорлық-оқытушылық құрамы мен қызметкерлері, шақырылған оқытушылар жүргізеді»,- деді.
Сонымен қатар, Pre-sessional курстары, олардың құны мен мазмұны туралы толығырақ ақпаратты Академияның www.apa.kz сайтының «Қабылдау» бөлімінде және Академияның әлеуметтік желілерінен білуге болады (Instagram — @apa.kz), ( Facebook – Academy of Public Administration under the President of Kazakhstan).
Дереккөз: Шымкент қаласының Ақпараттық-коммуникациялық орталығы
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
