ORDABASY: ТӨТЕНШЕ ЖАҒДАЙҒА ДАЙЫНДЫҚ ПЫСЫҚТАЛДЫ
Ордабасы ауданында облыстық төтенше жағдайлар департаменті тарапынан арнайы кешенді жоспарға сәйкес үш жылда бір рет өткізілетін оқу-жаттығу шарасы бастау алды.
Мақсаты – ордабасылықтардың түрлі төтенше жағдайларға дайындығын пысықтау.
Осыған орай аудан әкімдігінің үлкен мәжіліс залында облыстық төтенше жағдайлар департаменті өкілдерінің, аудандық бөлімшесі қызметкерлерінің, тиісті сала мамандарының қатысуымен жиын болып өтті.
Маңызды басқосуға аудан әкімі Нұрбек Бадырақов арнайы қатысып, аудан тұрғындарын төтенше жағдайларға дайындауда тындырымды жұмыстардың қажет екендігін жеткізді.
— Біз төтенше жағдайларға қаншалықты дайынбыз? Мәселе осында. Тұрғындар арасында ақпараттық жұмыстарды күшейту керек. Оқу-жаттығу шаралары да аса маңызды жұмыс. Одан бөлек, төтенше жағдай орын алған кезде тиісті органдар қандай іс-әрекет жасау керектігін де білуі тиіс. Комплексті жұмыс қажет. Яғни, біз төтенше жағдайларға дайын болуымыз керек, — деді аудан басшысы.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
