ТҮРКІСТАН:  ҚАЛА КҮНІНЕ ОРАЙ «КІТАП FEST» КІТАП ФЕСТИВАЛІ БОЛЫП ӨТТІ.

166

Түркістан қалалық орталықтандырылған кітапханалар жүйесінің ұйымдастыруы мен «Жеңіс » саябағында 25 қазан  Республика күні аясында Қала күніне орай «КІТАП FEST» кітап фестивалі болып өтті.

«КІТАП FEST» қаламыздың кітап құмар оқырмандары

ның басын қосатын , мәдени көпшілік іс — шара. Кітап фестивалінің қонақтары қызықтарға толы бағдарламалар, суретті кітаптар көрмесі, кітап алмасу, қаланың ақын жазушылары мен сазгерлерімен кездесу, өлеңдер оқу, кітап дүкендерінің жәрмеңкесі, балаларға арналған ойын сауық бағдарламасын тамашалады. Фестивальдің шымылдығы «Әлия» бала бақшасының кішкентай бүлдіршіндерінің флешмобымен бастау алды.

«КІТАП FEST »

кітап фестивалінің ашылу салтанатын әнші,сазгер Сауранбек Елеуов және қалалық әйелдер кеңесінің мүшесі , зейнеткер кітапханашы Раушан Тойлақова 24 қазан «Кітапханашылар күнімен»,25 қазан Республика күнімен құттықтап кітап фестиваліне сәттілік тіледі.

Шара барысында кітап көрмесінің таныстырылымы жасалып, оқырмандар өлеңдер оқыды.

Кітап фестивалі ҚР Мәдениет қайраткері, ҚР Жастар Одағы сыйлығының лауреаты, Шәмші Қалдаяқов атындағы республикалық өнер байқауының тұңғыш жүлдегері, әнші композитор Сауран Еркінбекұлы Елеуовтың шығармашылығына арналған

» Сазды әуеннің сардары» атты кездесу кешіне ұласты. Шара барысында Сауран Елеуов сұрақтарға жауап бере отырып, өнер , ұстаздық жолындағы қызықты естеліктерімен ой бөлісті. Әнші, сазгер шоқтығы биік әндерінің бірі «Апатайым анашым» , Түркістанның әнұранына айналған Мағжан Жұмабаевтың сөзіне жазылған «Түркістан» әнін және т.б әндерін әуелете шырқады.