ИСАБЕКОВА ГҮЛБАНУ ИБАДУЛЛАЕВНА ОБЛЫСТЫҚ ЖАРЫСТЫҢ ЖҮЛДЕГЕРІ АТАНДЫ
Қазақ зағиптар қоғамдық бірлестігінің 85 жылдығына және «Зағиптар» күніне орай, Қазығұрт ауданы орталығында 2022 жылдың 15 қараша күні «Раян» оңалту орталығы мен «Қазақ соқырлар қоғамы» бірлестігінің ұйымдастыруымен «Өмір маған қымбатсың» атты облыстық іс-шара өтті. Зағип жандар арасында спорттың дойбы, шахмат, тоғызқұмалақ түрлерінен өткен облыстық жарысқа тоғызқұмалақ спорт түрінен Сауран аудандық зағиптар қоғамының өкілі Исабекова Гүлбану Ибадуллаевна қатысып, жүлделі 3-орынды жеңіп алды. Гүлбану Ибадуллаевна ұлттық спортымыз тоғызқұмалақты жас кезінен ойнайтынын бірнеше облыстық жарыстардың жеңімпазы екендігін жеткізді.
Жерлесімізді жеңісімен құттықтаймыз.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
