ТҮРКІСТАНДЫҚ АЙНҰР БЕЛБЕУ КҮРЕСІНЕН ӘЛЕМ ЧЕМПИОНАТЫНДА ІІІ-ОРЫНДЫ ИЕЛЕНДІ
Жақында Өзбекстанның Наманган қаласында белбеу күресінен Әлем чемпионатына өтіп, оған Айнұр есімді полицей қызымыз қатысқан еді. Енді міне елге жүлделі оралып, барлығымызды қуантып отыр.
Әлемнің 26 елінің спортшылары қатысқан тартысты сайыста, түркістандық полицей Айнұр Ақжігітова, 66 келі салмақта қола жүлдеге қол жеткізді. 4 палуанмен белдесіп, өзінің мықтылығын танытты. Қазақстан Республикасының Көк туын көкте желбіретіп, Әнұранын шырқатты.
Сондықтан спортты серік еткен қызымызға сәттілік тілеп, өзімен мақтанатынымызды айтқым келеді. Алар асуың көп болсын!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
