ТҮРКІСТАНДА 200-ГЕ ЖУЫҚ КӨШЕ АБАТТАНДЫРЫЛАДЫ
Түркістан қаласындағы «Тұран» саябағы мен Қызылорда тас жолы бойына гидрантты суғару жүйесі жүргізіліп, саябақ пен Төле би көшесі бойы және «Әлқожа ата» кесенесі аумағы абаттандырылады. Сонымен бірге, Майкөтов көшесі бойына желілік саябақ салу жоспарлануда.
Абаттандырылатын көшелерде балалар ойын алаңшалары мен демалатын орындардың саны артып, қала көркін ашатын сәулет мүсіндері орнатылады деп күтілуде.
Жалпы жыл ішінде 200-ге жуық көшені көгалдандырып, абаттандыру жоспарланған. Түркістан облысы әкімінің орынбасары Ұлан Тәжібаев пен қала әкімі Нұрбол Тұрашбеков шаһар аумағындағы жоспарланған жұмыстар барысын бақылады. Облыс әкімінің орынбасары Түркістанды абаттандыру мен көгалдандыру бағытында жүзеге асырылатын жобаларға қатысты оң пікір білдіріп, ұсыныстардың сараланатынын және оңтайлы шешілуіне жұмыс жүргізілетінін жеткізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
