МОБИЛЬДІ ТОП МҮШЕЛЕРІ ТҮРКІСТАНДА 116 НЫСАНДЫ АРАЛАДЫ
Түркістан қаласында індет таралуының алдын алу жұмыстары қарқынды жүзеге асырылуда. Атап айтқанда, құрамына қала әкімдігі өкілдері мен полиция қызметкерлері енген 6 мобильдік топ кәсіпкерлік нысандар мен халыққа қызмет көрсету орындарындағы карантин талаптарының сақталуын қадағалауда.
Тұрғындардың қауіпсіздігін қамтамасыз ету мақсатында сақтық шараларының тиісті деңгейде атқарылу қажеттілігі кәсіпкерлерге түсіндірілуде.
Мобильді топтардың кезекті мониторингтік жұмысы барысында 116 нысан араланып, эпидахуалға байланысты карантин талаптары түсіндірілді. Карантин талаптары сақталмаған 13 нысанға түсініктеме толтырылды. Қаладағы эпидемиологиялық ахуалдың күрделенбеуі және індеттің таралуына жол бермеу үшін көпшілік орындарда мүмкіндігінше әлеуметтік арақашықтықты сақтап, бетперде тағып жүруге шақырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
