АЯЛДАМА АТАУЛАРЫ ҚАЗАҚ ТІЛІНДЕ ХАБАРЛАНУ ТАЛАП ЕТІЛЕДІ
Шымкентте жолаушылар тасымалдайтын №35 бағыттағы қоғамдық көліктерге аялдама атауларын электронды түрде хабарлау жүйесі енгізілгеніне біраз уақыт болды. Бұл жолаушылардың көңілінен шығып, алғыстарын білдірді.
Енді келесі кезекте дыбыстық жүйені №74, №12, №84 және №27 бағыттардағы автобустарға орнату үшін тиісті жұмыстар жүргізіліп жатыр.
Жуырда қалалық жолаушылар көлігі және автомобиль жолдары басқармасының мамандары қаладағы 700 аялдаманың атауларын жүйелендіру мақсатында талдау жұмыстарын жүргізді. Қазақ тіліндегі атаулардың арнайы кітапшалары жүргізушілер мен кондукторларға таратылды. Енді басқарма басшылығы тасымалдаушы компаниялардан қаладағы аялдама атауларын қазақша хабарлау талап етіліп отыр.
Шымкентте күн сайын мегаполисте 900-ге жуық автобус 77 бағытта жолаушыларды тасымалдайды. 10 көлік компаниясы қызмет көрсетуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
