Пилоттық жоба профилактикалық жұмыстарды жандандырды

272

Шымкентте құқық бұзушылыққа қарсы профилактикалық жұмыстар жүйелі түрде жүргізілуде. Нәтижесінде қылмыс саны 2022 жылы (2021 жылмен салыстырғанда) 11 пайызға азайған.

Бүгінгі таңда Шымкент қаласының Полиция қызметкерлері азаматтардың тұрмыстық зорлық-зомбылық туралы жазған өтініштеріне жүйелі түрде талдау жүргізіп, әрбір проблемалық отбасылармен кездесіп, профилактикалық жұмыс атқарып келеді. Қылмыс көп орын алатын қараусыз қалған аумақта жаяу патрульдік полиция қызметкерлерін қою бойынша тиісті тапсырмалар беріліп, орындалуы бақылауға алынған.

Бұдан бөлек, 2022 жылы полиция органдарында жұмыстың сервистік моделі енгізілді. Жаңа жүйе тәртіп сақшыларының қолжетімді болуына, ашық әрі халықтың қауіпсіздігін қамтамасыз етуде жедел және дамыған әдістерді қолдануға мүмкіндік берді. «Сервистік полиция» пилоттық жобасы үш кезеңмен жүзеге асырылды. Жоба алдымен Әл Фараби ауданы аумағына тәжірибе ретінде енгізіліп, нәтижелі жұмыс көрсетті. Аудан тұрғындарынан қауіпсіздік мәселелеріне қатысты алынған ұсыныстар қорытындыланып, бірқатар мәселелердің шешу жолдары талқыланды. Халық арасында қауіпсіздіктің кейбір мәселелеріне қатысты сауалнамалар жүргізілді (сауалнамадан өткен халық саны — 3005).

Осындай ауқымды жоба нәтижесінде жергілікті атқарушы орган тарапынан шұғыл шешілуді қажет ететін атап айтқанда, бейнебақылау камерасын орнату, жарықтандыру, жасанды жол кедергілерін орнату, қылмыс көп орын алатын қараусыз қалған аумақта жаяу патрульдік полиция қызметкерлерін қою бойынша тиісті тапсырмалар беріліп, орындалуы бақылауға алынған.

Шымкент қаласында сервистік полиция моделі кезеңімен жүзеге асырылуда. Атап айтсақ, бірінші кезеңде қала әкімінің өкімімен ведомствоаралық топ құрылды. Топ құрамына полиция өкілдері, білім, денсаулық басқармалары, әлеуметтік қорғау, әкімдік, прокуратура өкілдері енгізілді.