ПОЛИЦЕЙЛЕР БАЛАЛАР АРАСЫНДА АСФАЛЬТҚА СУРЕТ САЛУ САЙЫСЫН ӨТКІЗДІ
Жетісай аудандық полиция бөлімінің ұйымдастыруымен ПБ-нің алаңында «Отан қорғаушылар күні» мерекесіне орай тәртіп сақшыларының ұл-қыздары мен басқа да оқушылардың арасында мектепаралық асфальтқа сурет салу сайысы өткізілді.
Аталмыш шараға қаламыздағы Б.Момышұлы мектеп-гимназиясы, Тұран мектеп-гимназиясы, М.Горький, А.Байтұрсынов, Алпамыс батыр, Ю.Гагарин, Ш.Уәлиханов, Абай атындағы жалпы орта мектептерінің 7-8 сынып оқушылары қатысты.
Шараның мақсаты — балаларға мерекелік көңіл-күй сыйлай отырып, олардың шығармашылық қабілеттерін дамыту. Оқушылардың тарихи — мәдени және рухани құндылықтарын бағалау. Олардың бойында Отанға деген сүйіспеншілікті арттырып, елінің нағыз патриоты болуға баулу.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
