ЖЕТІСАЙЛЫҚ ПОЛИЦЕЙЛЕР ЖАСЫЛ АЛАҢДА ДОП ТЕУІП, ЖАРЫСТЫ
Жетісай қаласы “Қажымұқан” атындағы спорт алаңында “Отан қорғаушылар” күніне орай полицейлердің ұйымдастыруымен футболдан турнир өтті. Спорттық сайысқа полиция бөлімінің тергеу және анықтау бөлімшесі, учаскелік полиция инспекторлары, Асықата кенті полицейлерінің командасы, сондай-ақ Жетісай ауданының әкімдігі мен адами әлеуетті дамыту бөлімінің командалары қатысты.
Турнирге қатысушылар төзімділік, топта үйлесімді жұмыс жасай білу, бір-біріне қолдау көрсету, жалпы нәтижеге алаңдау, ең бастысы жеңіске деген ұмтылысты көрсете алды.
Ойынның нәтижесінде І-орын адами әлеуетті дамыту бөліміне, ІІ-орын учаскелік полиция инспекторларының командасына, ІІІ-орын Алғабас командасына бұйырып, жеңімпаздар арнайы кубоктармен марапатталды.
Сондай-ақ қатысушы команда мүшелерінің арасында үздік ойын көрсеткен қатысуларға «үздік ойыншы, үздік шабуылшы, үздік қақпашы, үздік қорғаушы» дипломдары табысталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
