ПОЛИЦЕЙЛЕР МЕРЕКЕ ҚАРСАҢЫНДА КҮРДІ ХАЛҚЫНЫҢ ШАҢЫРАҒЫНДА БОЛДЫ
Бәйдібек аудандық полиция бөлімінің қызметкерлері «1 мамыр — Қазақстан халқының бірлігі күні» мерекесіне орай «Татулық-достық тірегі» атты іс-шара ұйымдастырды. Тәртіп сақшылары ұлттар арасындағы тығыз қарым-қатынастың белгісі ретінде, ішкі істер саласының ардагері, зейнеткер Махамбет Махмуттың, яғни күрді ағайындардың шаңырағына барды.
Кездесуде еліміздің бірлігін нығайтуда өзге ұлт өкілдерінің де еңбегі бары ескеріліп, ауызбіршілік, ынтымақ туралы тарихи оқиғалар, ғибратты әңгімелер айтылды. Сондай-ақ полицейлер күрді ұлтының салт-дәстүрі, ұлттық киімі, ұлттық тағамдарымен танысты.
Шара соңында мұндай керемет кездесу ұйымдастырған полиция қызметкерлеріне зейнеткердің отбасы шынайы ризашылықтарын білдіріп, мерекемен құттықтады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
