ТҰРҒЫННЫҢ АККУМУЛЯТОРЫН ҰРЛАҒАН КҮДІКТІ ЖАС ЖІГІТ АНЫҚТАЛДЫ
Түлкібас аудандық полиция бөліміне жергілікті тұрғын арызданды. Жәбірленуші ер адамның айтуынша, түнгі уақытта үйінің ауласында тұрған «Т-150» маркалы тракторының 2 дана аккумуляторын белгісіз біреу ұрлаған. Аталған жайт ҚР ҚК-нің 188-бабы «Ұрлық» бойынша тіркеуге алынды.
Тәжірибелі тәртіп сақшыларынан жедел-тергеу тобы құрылып, оқиға орындары мұқият тексерілді. Полицейлер куәгерлерден жауап алып, жақын аймақтарды аралап шықты. Нәтижесінде тәулік ішінде қылмысқа қатысы бар күдіктіні анықтады. Ол жергілікті тұрғын жас жігіт болып шықты.
Белгілі болғандай, сезікті жас жігіт тұрғынның 2 дана аккумуляторын ұрлап, жәбірленушіге 170.000 теңгеден астам шығын келтірген. Ол бөтеннің мүлкін сатып, өз пайдасына жаратып жіберген.
Полицейлер аталмыш аккумуляторды айғақты зат ретінде тәркілеп, иесіне қайтарды.
Қазіргі таңда сотқа дейінгі тергеу амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
