ТУРИСТІК-ӨЛКЕТАНУ ЖӘНЕ ЭКОЛОИЯЛЫҚ СЛЕТІ ӨЗ МӘРЕСІНЕ ЖЕТТІ

Туризммен шұғылдану балаларды еңбексүйгіштікке, қайсарлыққа тәрбиелейді. Туризм арқылы балалар көп нәрсені үйренеді. Жанға дауа, таза ауада жорықтарға шығып, туған өлке табиғатын тамашалайды, зерттеу-іздестіру жұмыстарын жүргізеді, денелерін шынықтырады, ұйымшылдыққа тәрбиеленіп, қоршаған ортаны танып біледі. Туристік жорықтардың денсаулықты нығайтуға, баланың шымыр да, ширақ болып өсуіне үлкен ықпалы бар.

Тұңғыш Президентіміз Нұрсұлтан Назарбаев өзінің 2018 жылғы 5 қазандағы Қазақстан халқына жасаған жолдауының алтыншы тармағында: «Өз жеріңді танып біл» жаңа бастамасы аясында еліміздің өңірлері бойынша жаппай мектеп туризмін қайта жаңғырту керек» деген болатын. Осыны басты мақсат қылған «Экология, өлкетану және туризм орталығы» коммуналдық мемлекеттік мекемесі әр жылда туристік іс-шаралар жүргізіп отырады.

Жуырда Мекеменің ұйымдастыруымен Сайрам ауданы, Құтарыс елді мекені «Ақсу» сауықтыру лагерінде «Менің Отаным — Қазақстан» туристік экспедициялық жасақтардың қалалық слеті және «Төрт тоқсан –төрт өнер» ұлттық мәдени ағартушылық жобасы Төртінші тоқсан Туған өлкем фестивалі аясында Үйірмешілер арасындағы қорытынды экологиялық, туристік-өлкетану слеті ұйымдастырылып өткізілді.

«Менің Отаным — Қазақстан» туристік экспедициялық жасақтардың қалалық слеті Шымкент қаласы білім басқармасының 2023 жылғы 17 сәуірдегі №174 бұйрығына сәйкес балалар мен жастарды азаматтылық пен отаншылдық сезімдерін тәрбиелеу, экспедициялық жасақтардың туристік қызметін жандандыру жолымен салауатты өмір салтын насихаттау мақсатында 2023 жылдың 17-19 мамыр күндері аралығында өтті.

Слетке жалпы 12-17 жас аралығындағы оқушылардан құралған, ауданаралық кезеңнен іріктелініп алынған 20 білім беру мекемелері (команда) қатысты:

Слетке қатысушыланы келесі блоктар мен номинациялар бойынша сайысқа түсті:

1. «Команданың визит карточкасы» (тұсау кесер) таныстыру.

ІІ. Туристік блок.

1. «Туристік кедергілер жолағы» номинациясы.
2. «Туристік түйіндер» номинациясы.

І. Өлкетану блогы. «Жас өлкетанушы» номинациясы бойынша:

Халық дәстүрлері, әдет-ғұрыптар мен мәдениет бағыты.

Туризм-спорт, денсаулық, демалыс бағыты.

Өшпес жұлдыздар бағыты.

ІІІ. Шығармашылық блок.

1. «Бард әндері» номинациясы.

Төрешілер алқасының шешімімен төмендегі көрсетілген білім беру мекемелері (командалар) жеңімпаз деп танылды:

Іс-шараны өткізуге Сайрам-Өгем мемлекеттік ұлттық табиғи паркі, А.Асқаров атындағы Шымкент мемлекеттік дендрологиялық саябағы, «Қаратау өнер мектебі» МКҚК, Мирас университеті, «Түркістан жоғары көпсалалы аграрлық колледжі» МКҚК, «Төлеби аудандық жас туристер станциясы» КММ, Әдет-ғұрып салт дәстүр орталығы, Түркістан облыстық тарихи-өлкетану музейі, Шымкент мемлекеттік зоологиялық саябағы және Шымкент қалалық жасөспірімдер кітапханасы белсенді атсалысып өз үлестерін қосты.

Қалалық слеттің жеңімпаздарынан іріктелеген топ Шымкент қаласы атынан 2023 жылдың қыркүйек айында өтетін республикалық слетке қатысатын болады.

2023 жылдың 24-26 мамыр күндер аралығында өткізілген «Төрт тоқсан – төрт өнер» ұлттық мәдени ағартушылық жобасы Төртінші тоқсан Туған өлкем фестивалі аясында Үйірмешілер арасындағы қорытынды экологиялық, туристік-өлкетану слетінің мақсаты үйірме білім алушыларының жыл көлемінде туристік-өлкетану және экологиялық бағытта алған білімдерін пысықтау, экологиялық білім мен тәрбиені кеңінен насихаттау, туған өлкесінің тарихи-мәдени нысандарына деген сүйіспеншіліктерін арттыру, туристік дағдылары мен шеберліктерін шыңдау болатын.

Үйірмешілер арасындағы қорытынды экологиялық, туристік-өлкетану слетіне үйірме білім алушылары арасынан құрылған 22 команда қатысты.

Слет «Команданың визит карточкасы», «Туристік кедергілер жолағы», «Туристік түйіндер», «Ең керемет туристік өлке», «Туған өлкеміздің өсімдіктер мен жануарлар дүниесі» және «Кел достар, ән шырқайық» номинациялары бойынша өткізіліп, қазылар алқасының шешімімен төмендегі командалар жеңімпаз деп танылды:

«Менің Отаным — Қазақстан» туристік экспедициялық жасақтардың ауданаралық іріктеу кезеңі мен қалалық слеті және Үйірмешілер арасындағы қорытынды экологиялық, туристік-өлкетану слетінің өткізілу барысында оқушылардың туристік, өлкетану, экологиялық бағыттағы білімдері және туристік дағдылары мен шеберліктерінің жоғарғы деңгейде екені байқалды.

Бүгінгі мақтаныш тұтқан тәуелсіз еліміздің білімді жастарымыз биік шыңдарды бағындырып, қонар тұғырлары биіктей берсін.