ТҮЛКІБАС АУДАНЫНДА МЕРЕКЕГЕ ОРАЙ ФУТБОЛДАН ЖАРЫС ӨТТІ

«Қазақстан полициясы және Мемлекеттік қызметкерлері күні» мерекесіне орай түлкібастық полицейлер шағын футболдан жарыс ұйымдастырды. Сайысқа Түлкібас аудандық полиция бөлімі, аудан әкімшілігі, аудандық мәслихат және ардагерлер кеңесі мүшелері, мәдениет үйі мен өрт сөндірушілерден құралған командалар қатысты.

Қазақстан полициясы қызметкерлерінің оң имиджін қалыптастыру, қызметкерлер арасында спортты, оның ішінде шағын футболды кеңінен насихаттау мақсатында ұйымдастырылған жарыста Түлкібас аудандық мәслихатының хатшысы Х.Байысбаев, аудан сотының төрағасы М.Ырсымбетов, ҚР Ұлттық қауіпсіздік комитетінің Түркістан облысы бойынша департаментінің бастығы Н. Саухимов, Түлкібас аудандық полиция бөлімінің бастығы полиция подполковнигі А.Серікбаевтар сөз сөйлеп, ойыншыларға сәттілік тіледі. Дәстүр бойынша командалар топқа бөлініп, тартысты ойын көрсетті.

Нәтижесінде балалар спорт мектебі командасы жеңіп, бірінші орынның жүлдесін қанжығасына байлады. Ал екінші орынды аудандық сот қызметкерлерінен құралған команда иеленсе, үшінші орынды өрт сөндіру бөлімі жеңді. Төртінші орынды аудандық мәслихаттың командалары алды. Сайыс соңында барлық жеңімпаздар бағалы сыйлық, алғыс хаттармен марапатталды.