ШЕКАРАДАН ЕСІРТКІ АЛЫП ӨТПЕК БОЛҒАН ШЕТЕЛДІК АЗАМАТ ҰСТАЛДЫ
Сарыағаш аудандық полиция бөліміне «Жібек жолы» шекара бақылау бекетінен хабарлама келіп түсті. Онда шекарадағы қызметкерлерінің «Джайма» атты қызметттік иті Өзбекстан Республикасынан Қазақстан Республикасына өтіп бара жатқан «Hуndai Solaris» маркалы автокөлікті көріп, белгі берген. Полицейлер күдік тудырған көлікті байқап, бірден тоқтатып көлік иесін тексерді.
Тінту барысында шетелдіктің шалбарының қалтасынан есірткіге ұқсас зат табылды. Тәркіленіп алынған затқа сараптама тағайындалды. Сараптама қорытындысы оның «гашиш» есірткісі екенін растады.
Белгілі болған ер адам Тәжікстан елінің азаматы екені анықталды. Қазіргі таңда күдікті ер адам қамауға алынып, оған қатысты ҚР ҚК-нің 286-бабы «Айналыстан алып қойылған заттардың немесе айналысы шектелген заттардың контрабандасы» бойынша сотқа дейінгі тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
