ЖЕТІСАЙ АУДАНЫНДА ҚОҒАМДЫҚ ҚАУІПСІЗДІК ТҰЖЫРЫМДАМАСЫН ІСКЕ АСЫРУДЫҢ ЖОСПАРЫ ТАЛҚЫЛАНДЫ
Мемлекет басшысының тапсырмасын жүзеге асыру мақсатында, бүгін Жетісай аудандық полиция бөлімінің ұйымдастыруымен әкімдіктің мәжіліс залында «Қоғамдық қауіпсіздікті қоғаммен серіктестікте қамтамасыз етудің 2024-2028 жылдарға арналған тұжырымдамасын іске асыру» жоспары талқыланды.
Жиынға аудан әкімінің бірінші орынбасары С.Пірімбеков, қала, ауыл, округ әкімдері, білім беру, денсаулық сақтау басқармаларының басшылары, мемлекеттік емес ұйымдар мен консультативтік кеңесші орган мүшелері мен тұрғындар қатысты.
Кеңес отырысында соңғы кездері өзекті мәселеге айналған интернет-алаяқтық, есірткі қылмысы, тұрмыстық зорлық-зомбылық пен жол апаты жағдайларының алдын алу шаралары бойынша дайындалған жоспарлар талқыға түсті.
Сондай-ақ полиция бөлімінің жыл басынан бері атқарылып жатқан жұмыстары бойынша баяндамалар тыңдалды. Арнайы слайд пен бейнеролик көрсетілді. Жиын соңында қатысушылар пікірлерін білдіріп, белсенділік танытты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
