«АЛТЫН АЛҚА» ТАҚҚАН ПОЛИЦЕЙ АНА
«Отбасы күні» мерекесіне орай Келес аудандық полиция бөлімі бастығының орынбасары полиция полковнигі С.Отыншиевтің бастамасымен көпбалалы әріптестерін құттықтау шарасы ұйымдастырылды. Яғни полицейлер Көші-қон қызметі тобының инспекторы полиция майоры Гүлжан Құралбекованың шаңырағына арнайы барып, мерекелік сыйлықтарын табыстады.
Г. Құралбекова ішкі істер саласындағы алғашқы қызметін
ювеналды полиция тобының кәмелетке толмағандар істері жөніндегі инспекторы болып бастаған. Жұмысына жауапты полицей көп ұзамай көші-қон полициясына инспектор лауазымына тағайындалды. Осы қызметте жүріп өмірлік серігін тауып, тұрмыс құрды.
Облысымызда көші-қон қызметінің тұрақты дамуына ат салысып жүрген қызметкер, демографияға да зор үлесін қосуда. Себебі иығына майор шенін, мойнына «Алтын алқа» таққан Гүлжан Құралбекова, бүгінде батыр ана 2 ұл мен 5 қызды өсіріп отыр.
Осы ретте батыр ана, үздік маманға абыройлы еңбек, жанұялық бақыт тілейміз!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
