ПОЛИЦЕЙЛЕР «ҚОРҒАУ» БАҒДАРЛАМАСЫНЫҢ КӨМЕГІМЕН ТӨЛЕНБЕГЕН 40 АЙЫППҰЛЫ БАР КӨЛІКТІ АНЫҚТАДЫ
Түркістан қалалық ПБ патрульдік полиция батальонының қызметкерлері облыс орталығы көшелерін патрульдеу кезінде, «Қорғау-қауіпті жүргізуші» мобильдік бағдарламасының көмегімен «Mercedes Benz» маркалы автокөлігін тоқтатты.
Тәртіп сақшылары тексеру барысында, жүргізушінің 530 мың теңгеден астам төленбеген 40 айыппұлы барын анықтады. Яғни жүргізушінің әкімшілік айыппұлдарының көпшілігі жылдамдық режимін бұзумен байланысты.
Сондай-ақ автокөлік иесінің жеке сот орындаушысының қаулысы бойынша 2 миллион теңгеден астам берешегі бар екені анықталды. Автокөлік айыптұраққа қойылды.
Өз кезегінде Түркістан облысының полицейлері көлік құралдарының жүргізушілерін жол қозғалысы ережелерін қатаң сақтауға және салынған әкімшілік айыппұлдарды уақтылы төлеуге шақырады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
