КЕЛЕС АУДАНЫНДА ЗАУЫТ ЖЫЛЫНА 38 МЛН ДАНА ҚЫШ ӨНДІРЕДІ
Бүгінде Келес ауданында шағын кәсіпкерлікпен қатар ірі бизнес саласын дамытуға басымдық берілуде. Осы орайда Келес ауданының әкімі Жәнібек Ағыбаев 20 жылдан бері еңбек етіп келе жатқан кәсіпорындардың жұмысымен танысты. Алдымен Абай ауылындағы «Мерген Н» ЖШС-ң минералды сусындар мен алкогольсіз шәрбат өнімдерін өндіретін зауыттың жұмысымен танысты. Қазіргі таңда өндіріс орны 31 адамды жұмыспен қамтып отыр. Онда сағатына 2 500 дана бөтелкеде минералды сусындар мен алкогольсіз шарбат өнімдері өндірілуде.
Сондай-ақ, аудан басшысы күйдірілген қыш өнімдерін өндіретін «AIBI-AI» ЖШС-на барды. Мекеме қазіргі таңда 70 адамды жұмыспен қамтып, жылына 38 млн.дана күйдірілген қыш өнімдерін өндіріп отыр. Өз кезегінде аудан басшысы аудандағы кәсіпорындардың қуаттылығын арттыру бағытында тиісті мекеме басшыларына тапсырма жүктеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
