ТОҒЫЗ МЫҢНАН АСА ОҚУШЫ ЫСТЫҚ ТАМАҚПЕН ҚАМТЫЛДЫ
Биыл жаңа оқу жылынан бастап Президент тапсырмасы негізінде 1-4 сынып оқушыларына бір мезгіл ыстық тамақ беріледі.
Сауран ауданы бойынша 8585 бастауыш сынып оқушылары, әлеуметтік осал отбасынан шыққан 5-11 сыныптардан 828 оқушы бір мезгіл ыстық тамақпен қамтылып отыр.
Білім бөліміне қарасты барлық мектеп асханаларында сыныптардың тамақтану уақытының кестесі құрылып, ұйымдастыру жұмыстары жүргізілді. Тағам рационы Ұлттық тамақтану орталығы ұсынған «Мектеп оқушыларының тағам рационы бойынша бірыңғай стандарттар» әдістемелік ұсынымына сәйкес жасалады. Мәзірді әзірлеуде балалардың жас ерекшелігі ескеріледі.
«Сауран-ақпарат».
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
