ЖЕТІ ЖАСАР АЛИНАНЫҢ ТІЛЕГІ ОРЫНДАЛДЫ
Президентке мерекелік хат жазған 2-ші сынып оқушысының тілегі орындалды. Жаңа жыл қарсаңында хат жолдаған Алина Кеңеске өз өтініші бойынша сыйлықтар берілді.
Шымкент қаласы әкімінің орынбасары Сәрсен Құранбек №52 мектеп-лицейінің 2 д сынып оқушысы Алина Кеңестің отбасына арнайы барды. Мерекелік сыйға телефон сұраған жасөспірім қызға Мемлекет басшысының құттықтау сөзі жазылған хатын оқып беріп, смартфон және жаңа жылдық сыйлықты табыс етті.
Сәрсен Абайұлы көпбалалы отбасын жаңа жыл мерекесімен құттықтап, талапты оқушыға ізгі тілектерін жеткізді.
—Ата-анаңның үмітін ақтап, оқуда озат бол. Болашақта еліміздің дамуына үлес қосатын талапты азамат болуыңа тілектеспіз. Отбасыңда тек жақсылық, қуаныш болсын. Жаңа жылда тек жақсылыққа, табысқа кенеле беріңіздер, — деді қала әкімінің орынбасары өз құттықтау сөзінде.
Айта кетсек, Алина Кеңес №52 мектеп-лицейінің 2 д сыныбында оқиды. Аз қамтылған, көпбалалы отбасының үшінші перзенті. Арман-тілегі орындалған балақай өз ризашылығын білдірді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
