АРЫСТЫҚ ҚАЙЫРЫМДЫ АЗАМАТТАР 140 ОТБАСЫҒА ҚУАНЫШ СЫЙЛАДЫ
Жақсы істердің жаршысына айналған Қолғабыс Қоғамдық Қоры бір топ кәсіпкерлермен бірлесіп тағы бір қайырымды шараға себеп болды.
Ізгілікке ұмтылған азаматтар күнделікті ішім-жемге қажетті, әлеуметтік маңызы бар өнімдерден құралған азық-түлік пакетін 140 отбасына үлестірді.
Ортақ істерге топтасып, мұқтаж отбасыларға қуаныш сыйлауға қаламыздың бірнеше кәсіпкерлері бастамашыл болған. Олар «Қолғабыс» қайырымдылық қорымен ақылдаса келе, өз қаржыларына 7 тонна жоғары сортты ұн сатып әперген. Өз кезегінде қор тарапынан күріш, қарақұмық (гречка), асбұршақ, маш, май, макарон, ұзақ мерзімге сақтауға жарамды консервіленген өнімдер салынған азық-түлік пакеттері берілген.
«Қолғабыс» қайырымдылық қорының төрағасы Сырлыбек Мұсабековтің айтуынша бүгінгі таңда Арыс қаласында демеушілік танытып, түрлі көмектер жасап жүрген қайырымды азаматтар саны еселеп артқан. Ол өз сөзінде қаламызда атымтай жомарт кәсіпкерлердің ұйытқы болуымен қайырымдылық шаралары алда да жалғасын табатынын атап өтті.
Арыс қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
