ТӨЛЕБИЛІКТЕР ҒАСЫР ЖАСАҒАН ӘЖЕЙДІ ҚҰТТЫҚТАДЫ
Төлеби ауданына қарасты Көксәйек ауылдық округінің тұрғыны Пернекүл Бектемірова 15 қаңтар күні 100 жасқа толып, ғасыр құрдасы атанды. Тыл ардагерін, жүзге толған кейуананы ауылдық округ әкімі Жексенбек Сарсаулетов құттықтап, сыйлықтар табыстады.
Жастық шағын тыл даласын тыңайтуға үлес қосқан Пернекүл әже егін егіп, шөп, сабан жинап, сиыр сауғанын әңгімеледі. Өмірдің ащысын, тұщысын да көрген әже соғыс жылдарында ауылда қара жұмысқа жегіліп, ауыр азапты ерлермен тең бөліскенін айтты.
Екі қыз, бір ұл тәрбиелеп, ұрпақтарын өрбітіп, бүгінде 8 немере 1 шөбере сүйіп отырған әженің ұлы Есентай Тойбеков 76-ға толса, қызы Оразкүл Тастемірова 74-ке шыққан.
Жалпы Төлеби ауданының аумағында жүз жасқа жеткен және жүзден асқан 10 қария бар.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
