АЗАТ ОРАЛБАЕВ: “ӘР АУЫЛДЫҢ ӘКІМІ ӨЗДЕРІНДЕГІ МӘСЕЛЕЛЕРДЕН ХАБАРЫ БОЛУЫ КЕРЕК”
Бүгін аудан әкімі Азат Оралбаев жылдың басында өзінің төрағалығымен өткен жиында берген хаттамалық тапсырмаларының орындалуы бойынша жиын өткізді. Оған әкімнің орынбасарлары, аппарат басшысы мен аппарат қызметкерлері, бөлім басшылары қатысты.
Тапсырмалардың дені елді мекендерге газ, көшелерге ауыз су тарту, қатты тұрмыстық қалдықтарды тастайтын полигондарды ретке келтіру, көшелерді жарықтандыру, абаттандыру, жол жөндеу жұмыстары аясында болғандықтан тиісті бөлім басшылары атқарылып жатқан жұмыстар туралы баяндап, кейбір тапсырмалардың орындалмау себептерін түсіндірді.
Аудан басшысы ұйымдастыру-инспекторлық бөліміне әрбір мәселенің уақтылы әрі сапалы орындалуын қатаң бақылауда ұстауды тапсырды. Ал, тапсырмаға салғырт қараған мамандарға заң аясында шара көрілетіндігін ескертті. Сондай-ақ ауыл округтердің әкімдері өз аумақтарындағы мәселелерден үнемі хабардар болып жүрулері тиіс екенін айтты.
Аудан әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
