ШЫМКЕНТТЕ ЖАҢАРУ КҮНІНЕ ОРАЙ «НАУРЫЗ – ЖАҢАРУ ЖАРШЫСЫ» АТТЫ АҒАШ ЕГУ АКЦИЯСЫ ӨТТІ

19 наурыз — әрбір қазақстандықтың өмірінде жаңа кезеңнің басталуын білдіретін Жаңару күні Шымкентте тойлануда.
Бүгін Жаңару күніне орай, қала әкімі, қалалық ҚХА төрағасы Ғабит Сыздықбеков бастаған маслихат депутаттары, ардагерлер, Қазақстан халқы Ассамблеясы мүшелері, жастар өкілдері А. Асқаров атындағы дендросаябақта 50 түп сәндік ағаштар, 31 катальпа, 25 түп үйеңкі ағашын отырғызды.
Тал егу барысында Қазақстан халқы Ассамблеясы жанындағы Ақсақалдар кеңесінің төрағасы Орынбай Рахманбердиев жиналған қауымды Наурыз мерекесімен құттықтап, ақ батасын беріп, бүгін қала аумағында егілген жаңа көшеттер ¬бірнеше жылдан соң өніп шығып, ағаштар жеміс бергені сияқты жаңа идеялар бен құндылықтар өз жемісін беріп, қоғамымыз нығайып, өркендейтіні сөзсіз деді.
«Жаңару» күні барша азаматтар ортақ мақсатқа жету жолында бірігіп, ата-бабамыздан келе жатқан ынтымақ пен бірлікті көрсетті.
Сонымен қатар, этномәдени бірлестіктердің барлығы ұлттық киім киіп, бұл күннің шырайы мен маңыздылығын одан сайын арттыра түсті.