КЕНТАУДА БЕЛСЕНДІ ЖАСТАР ЭКОАКЦИЯҒА ӨЗ ҮЛЕСТЕРІН ҚОСТЫ
Кентау қаласының жастары «Таза Қазақстан» экологиялық акциясы аясында қаладағы демалыс аумақтары мен саябақтар, ескерткіштердің алаңдарына тазарту жұмыстарын жүргізді.
Аталған аймақтарды күл-қоқыстардан тазартып, ағаштарды ретке келтіру шаралары атқарылды.
Одан бөлек, қаланың барлық аймағында тазалық жұмыстары белсенді атқарылуда.
Арық-атыздар күл-қоқыстардан тазартылып, талдар әктеліп, гүлдер отырғызылуда. Жасыл желектерге қоршаулар орнатылып, «Жасыл аймаққа» талдар отырғызылуда. Саябақтардағы орындықтар әрленіп, жарық шамдар ретке келтірілуде. Қаладағы абаттандыру, көріктендіру жұмыстары жалғасын табады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
