КЕЛЕСТЕ «ӨНЕГЕЛІ ҰРПАҚ» АПТАЛЫҒЫНДА 1 МЫҢҒА ЖУЫҚ АДАМ СЕНБІЛІКТЕРГЕ ҚАТЫСТЫ
«Таза Қазақстан» республикалық экологиялық акциясының «Өнегелі ұрпақ» апталығында Келес ауданына қарасты барлық елді мекендер белсенділік танытуда. Сонымен қатар, аудан жастары қариялардың үйлеріне барып, аулаларында тазалық жұмыстарын жүргізіп жатыр. Осы ретте Абай ауылындағы әкімдік қызметкерлері 98 жастағы тыл ардагері Рахима Галимованың үйінде тазалық жұмыстарын жүргізді. Атқарылған жұмыстар барысында тұрғын үй қоқыстан тазартылып, қоршаулар ретке келтірілді.
Сонымен қатар, аудан жастарының ұйымдастыруымен «Ардагерлер» аллеясында тазалық акциясы өтті. Жастар саябақты ретке келтіру және күл-қоқыстан тазарту сынды жұмыстарды атқарды. Жалпы аудандағы «Өнегелі ұрпақ» апталығында ұйымдастырылған тазалық шараларына 1000-ға жуық адам атсалысты.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
