ЖАҢА ШАҒЫНАУДАННЫҢ ИНЖЕНЕРЛІК ИНФРАҚҰРЫЛЫМЫ БАСТЫ НАЗАРДА
Шымкент қаласының әкімі Мұрат Әйтеновтің төрағалығымен «Тұран» шағын ауданының инженерлік инфрақұрылымы мен абаттандыру жұмыстары бойынша жауапты сала басшыларымен кезекті жиын өтті.
Жаңа шағынауданның тұрғындарына қолайлы жағдай жасау үшін ең алдымен мұнда инженерлік инфрақұрылым жұмыстары сапалы болу қажет екенін айтқан қала басшысы сала жетекшілеріне әлеуметтік және тұрғын үй обьектілерінің құрылыс сапасын да қатаң бақылауға алуды айтты.
Шағын аудандағы ішкі орамдарда электр желісі, су жүйесі, жылу жүйесі мен кәріз жүесі сынды инженерлік инфрақұрылым жұмыстары толығымен аяқталған. Аталған орамдардағы инженерлік инфрақұрылым құрылысын мердігер мекеме «Build Stroy» ЖШС-гі жүргізген.
Бүгінгі таңда жаңа құрылыс алаңында асфальт төсеу жұмыстары мен электр бағаналарын орнату жұмыстары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
