ТҮРКІСТАН ОБЛЫСЫНЫҢ БАС ИМАМДАРЫМЕН ОРТАЛЫҚ МЕШІТТЕ МӘЖІЛІС ӨТКІЗІЛДІ

Жиынның негізгі мәселелері — маусым айының 16 жұлдызында өтетін «Құрбан айт» мерекесі бойынша және бүгінгі күнде жалғасын тауып келе жатқан “Таза Қазақстан” экологиялық акциясы жайлы болды.

1. Мамыр айының 16 жұлдызында өтетін «Құрбан айт» мерекесіне арнайы ҚМДБ тарапынан 52 бағыттан тұратын іс-шара талқыланып, қала, аудандардың бас имамдарына арнайы тапсырмалар берілді.
2. Президентіміз Қ.Тоқаевтың «Таза Қазақстан» акциясы бойынша қала, аудан имамдарына Дін істері басқармасының басшысы Р.Сабыржанұлы тарапынан біршама ұсыныстар талқыланды.
3. Әр Жұма намаздарында «Таза Қазақстан» акциясы бойынша уағыз-насихат жүргізу;
4. Қала, аудандардың бас имамдары «Таза Қазақстан» акциясын жергілікті тұрғындармен бірге сенбілік жұмыстарын ұйымдастырып, 1-2 минуттық бейнеүндеу жариялау. («Таза Қазақстан» эстафетасын жалғастыру);
5. Өңірдегі мешіттерді абаттандыру, көгалдандыру, санитарлық тазалықты сақтауға арналған бейнероликтер дайындап, жарнамаларды орналастыру;
6. Діни бірлестіктерді аталған акцияға тұрақты жұмылдыру.
7. Республикалық деңгейде танымал РАНТ мүшелеріне «Таза Қазақстан» акциясын қолдау мақсатында үндеу жариялау, ұсыныстары ортаға тасталып, талқыланды.

Сонымен қатар мәжілісте сыбайлас жемқорлықтың алдын алуда әрі рухани-адамгершілік жағдайын қалыптастыруда дін өкілдерінің алатын орны ерекше екендігін тілге тиек етіп, бұл бағытта жемқорлыққа қарсы түсіндіру шаралары тұрақты түрде жүргізу қажеттігі айтылды.