АЭС – ТАБЫСТЫ ДАМУ КЕПІЛІ» ТАҚЫРЫБЫНДА ӨЗБЕК ЭТНОМӘДЕНИ БІРЛЕСТІГІ МҮШЕЛЕРІНІҢ КЕЗДЕСУІ ӨТТІ

Бүгін Шымкент қалалық өзбек этномәдени бірлестігінің төрағасы Т.Нишанбаев, ауыл билері, белсенді азаматтар Сайрам тұрғын алабындағы мәдениет үйінде жергілікті тұрғындармен кездесті.
Кездесуде Мемлекет басшысы Қ.К.Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдаудың мән-маңызын түсіндірді.
Еліміздің экономикасын жақсартып, халықтың әл-ауқатын арттыруды көздеген Жолдаудың барша ел азаматтарына ауқымды жауапкершілік жүктейтіні жеткізіліп, саяси құжаттың басым бағыттары бойынша тұрғындардың ой- пікірлері тындалды.
Кездесу соңында Атом электр станциясын салу бойынша биылғы 6 қазанға белгіленген жалпыұлттық референдумға қатысып, азаматтық ұстанымын білдіру – кәмелет жасқа толған әрбір қазақстандықтың мерейлі міндеті екені айрықша айтылды.